GJYQI SIMULUES, DEPARTAMENTI PENAL – KLINIKA E LIGJIT FAKULTETI JURIDIK

Të martën më datë 07.04.2015, në orën 09:30, pranë ambienteve të Klinikës së Ligjit në Fakultetin e Drejtësisë, u zhvillua gjyqi simulues i Departamentit Penal, si një produkt i bashkëpunimit të ngushtë mes JuST-USAID dhe Qendrës Europiane në Programin e Edukimit të Klinikës Ligjore.

Gjyqi u zhvillua si një finalizim dhe konkretizim i punës në trajnimin 3 ditor mbi procesin gjyqësor penal dhe rolet respektive të këtij procesi. Gjatë ditëve të mëparshme studentëve u ishte shpërndarë një broshurë me materiale të ndryshme mbi një kazus, i cili shërbeu më pas edhe si një skenar për simulimin. Referuar materialeve në broshurat e dhëna, studentët u caktuan në role të ndryshme si prokurorë, dëshmitarë dhe avokatë. Përveç njohurive teorike të mbledhura gjatë viteve të studimit, pjesëmarrësit e këtij trajnimi mundën t’i aplikonin ato brenda kornizave të rolit që u ishte caktuar.

Duke qenë se pjesëmarja e studentëve ishte e konsiderueshme dhe me mjaft interes, u caktuan katër grupe performuese në gjyq, ku secili kishte në dispozicion 60 minuta për të zhvilluar seancën gjyqësore. Secili grup përbëhej nga 2 avokatë, 2 prokurorë, 2 të akuzuar, 1 polic gjyqësor dhe 1 dëshmitar, ashtu siç ndodh në një proces të rregullt penal. Përkatësisht:

Grupi I – Prokurorë: Lulzim Bajramemaj, Xhuliana Balla.  Avokatë: Artemida Hoxhaj.

Grupi II – Prokurorë: Geis Bega, Mirlinda Shala. Avokatë: Romina Turku, Fatime Hajdërasi.

Grupi III – Prokurorë: Françeska Shehu, Klea Xhebeliu. Avokatë: Griselda Kola, Sidorela Çela.

Grupi IV – Prokurorë: Mentina Tanushi, Ariola Hasanaj. Avokatë: Mimoza Quku, Zhyliena Azemaj.

Në rolin e dëshmitarëve: Tekla Xhyra, Gloria Rushitaj, Ana Atia dhe Eva Zeneli.

Ndërsa paneli gjykues përbëhej nga dy profesorë të së drejtës penale pranë fakultetit Besnik Çerekja dhe Kreshnik Myftari anëtarë dhe kryetar i trupit gjykues Alban Koçi.

Studentët patën mundësi të ushtroheshin në rolet e tyre përgjatë tre ditëve, të njiheshin me materialin si edhe të merrnin këshilla nga profesori trajnues lidhur me sjelljen profesionale dhe asistencën ligjore. Edhe pse çështja e trajtuar ishte e njëjtë për të katërt grupet, ajo paraqiti interes në planin krahasues ku studentët jo vetëm mësuan si të flasin në seanca gjyqësore, por edhe nga performimi i kolegëve të tyre.

Mbyllja me sukses e gjyqit simulues të Departamentit Penal, ishte një hap më tej për studentët e Fakultetit Juridik për ushtrimin e njohurive të tyre në fushën penale dhe përballimin e situatave në gjykatë, situata të ngjashme me të cilat do të përballen më vonë kur të asistojnë individët që do t’i drejtohen Klinikës së Ligjit për shërbim ligjor falas.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Kalo te paneli