GJYSMË-FINALJA E GJYQIT SIMULUES TË GJEDNJ – SHQIPËRI III

Më 18 nëntor 2016 në ambientet e Hotel Doro City në Tiranë  u organizua  ceremonia për prezantimin e pjesëmarrësve në konkursin e Gjysmëfinales së  “Gjyqit Simulues të Gjykatës Europiane të të Drejtave të Njeriut – Shqipëri III”. Gjatë ceremonisë u mbajt një fjalim i shkurtër nga organizatorët e konkursit përfaqësuar Znj. Ina Xhepa Qendra Europiane dhe përfaqësuesja e Civil Rights Defendenders në Shqipëri Znj. Vasilika Laçi.

Pas mbajtjes së fjalimit u hodh shorti për përcaktimin e grupeve si përfaqësues të shtetit dhe përfaqësues të kërkuesit për gjashtë gjysmëfinalistët ku shorti rezultoi si më poshtë vijon:

Grupi I

Fakulteti i Drejtësisë, Universiteti i Tiranës, përfaqësues të palës kërkuese;

Universiteti i Shkodrës, “Luigj Gurakuqi përfaqësues të shtetit.

Grupi II

Albanian University, përfaqësues të palës kërkuese;

SH.L.U.J “Universiteti Marin Barleti” përfaqësues të shtetit

Grupi III

Shkolla e Lartë Hëna e Plotë – Bedër, përfaqësues të palës kërkuese;

Universiteti i Vlorës “Ismail Qemali” përfaqësues të shtetit.

Më datë 19 nëntor, pranë Gjykatës së Apelit në Tiranë u mbajt konkursi i i gjysmëfinales, ku skuadrat pjesëmarrëse konkuruan menjëra tjetrën sipas rezultateve të shortit të hedhur. Trupi gjykues përbëhej nga tre gjyqtarë të cilët ishin:

Znj. Migena Leskoviku (Kryetare

Dorian Matilja (Anëtar)

Znj. Vjollca Meçaj (Anëtare

Sipas shortit të gjitha ekipet të përbëra nga 6 studentë dhe lideri patën mundësi të mbronin argumentet e tyre me gojë, duke argumentuar dhe mbrojtur të drejtat e pretenduara duke u bazuar në kazusin fiktiv. Gjatë seancave u vu re niveli i mirë i përgatitjes së studentëve. Gjithashtu, ndër të tjera ky aktivitet kishte për qëllim simulimin e një procedure të ngjashme me atë të Gjykatës Europiane të të Drejtave të Njeriut në Strasburg, si dhe përmirësimin e aftësive praktike për të mbrojtur përpara një trupi gjykues një çështje të caktuar.

Pas performimit të të gjitha skuadrave, trupi gjykues u tërhoq për të marrë vendim duke u bazuar dhe në rezultatet me shkrim për tre skuadra të cilat dolën me pikë të barabarta në përballjen me fojë, duke konkluduar në caktimin e dy skuadrave finaliste të cilat do të jenë:

Fakulteti i Drejtesisë,  Universiteti i Tiranës dhe

SH.L.U.J “Universiteti Marin Barleti”

Vendi dhe data për finalen e konkursit do të përcaktohen në vijim. Ndërkohë që skuadra fituese për të vit, do të përfaqësojë shqipërinë në konkursin rajonal, i cili në vitin 2017 do të mbahet në Tiranë.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Kalo te paneli