Moot Court 2016

Më datë 19 dhejtor 2016, në ambientet e Gjykatës Kushtetuese të Shqipërisë u zhvillua finalja e madhe e Gjyqit Simulues të Gjykatës Europiane të të Drejtave të Njeriut – Shqipëri III, një bashkëpunim për të tretin vit radhazi midis Qendrës Europiane dhe Civil Rights Defenders. Aktiviteti ishte vazhdimësi e dy fazave të para që konsistonin në dërgimin dhe përzgjedhjen e argumentave me shkrim për çdo palë, nga 11 universitete pjesëmarrëse, dhe në gjysëm-finalen  u kualifikuan 6 universitete të cilat në bazë të një shorti të hedhur një natë para u ndanë në 2 grupe, si përfaqësues të Kërkuesit dhe përfaqësues të Shtetit. Pas vlerësimit të performancës të 6 skuadrave gjysmëfinaliste të cilat ishin:

  1. Universiteti i Tiranës
  2. Universiteti “Marin Barleti”
  3. Albanian University
  4. Universiteti “Ismail Qemali” Vlorë
  5. Universiteti “Luigj Gurakuqi” Shkodër
  6. Kolegji Universitar “Bedër”

Në fazën finale kaluan skuadra e Universitetit të Tiranës dhe Universitetit “Marin Barleti”, të cilat luajtën rolin e ‘Kërkuesit’ dhe ‘Shtetit’.

Seanca finale e konkursit u zhvillua në ambientet e Gjykatës Kushtetuese në datë 19 dhjetor, me një trupë gjyqësore të përbërë nga:

  1. Z. Xhezair Zaganjori – Kryetar
  2. Znj. Vjollca Meçaj- Anëtare
  3. Znj. Irma Baraku – Anëtare
  4. Z. Florjan Kalaja – Anëtar
  5. Znj. Ardjana Shehi- Anëtare
  6. Z. Dorjan Matlija – Anëtar
  7. Znj. Manjola Xhaxho – Anëtare

Të dyja ekipet elaboruan mbi argumentat e tyre dhe më pas trupi gjykues u tërhoq që të merrte vendim dhe të vlerësonte secilën skuadër bazuar në performancën e tyre. Paneli Gjykues shpalli fitues të fazës Finale të Gjyqit Simulues të Gjykatës Europiane të të Drejtave të Njeriut – Shqipëri III, skuadrën e Fakultetit të Drejtësisë, Universiteti i Tiranës . Kjo skuadër do të përfaqësojë Shqipërinë në konkursin rajonal, i cili do të organizohet nga Civil Rights Defenders, në Tiranë në muajin mars.

Kalo te paneli